مربى الورد بالصور من اروع واطيب وأشهى وأسهل المربيات...

المقادير
1 كيلو ورد
2.5 او 3كيلو سكر
1كاسة كبيرة عصير ليمون
6كاسات ماء
الطريقة
 ..اول شي منقطف الورد ومنخلو بمصفاي خشنة حتى نتخلص من المياسم...
تاني شي رح احط الورد بوعاء واسع واضيف عليه كاستين سكر وكاسة عصير ليمون ومنفرك الورد بايدينا كتير منيح وهي خطوة مهمة كتير... رح نضل نفرك لحتى الوردة تدبل وتصير ناعمة ومنعصر الورد كتييير منيح ومناخد عصير الورد ونتركه على جنب ...
بعد ماعصرنا الورد منقطعو بسكين حاد بطريقة الفرم ..
تالت شي رح نضع السكر يلي زاد عندي بطنجرة ومنضيف 6 كاسات ماء وبغليهم سوى بس غلى القطر منضيف الورد المفروم ومنغليه على نار متوسطه مع التحريك كل شوي مدة 25 دقيقة مو أكتر لحتى نلاحظ الورد اتجانس مع القطر ..
اخر شي بضيف ماء يلي استخلصناه من الورد وبحرك هو رح يعطيني لون وطعمة بتجنن منغليه فقط 4 دقائق ومنطفي النار...

منكون جهزنا وعاء كبير يحتوي على ماء بارد ومكعبات تلج ونضع الطنجرة في الوعاء حتى نسرع عمليه التبريد ..كل ماسخنت الماء بغيرها لحتى يبرد الود تماما رح تلاحظي بس برد فورا لون بجنن ورائحة ورد رائعة وألف صحه ..
ممابصير تعبي الورد بمرطبان فورا لازم نتركو لليوم التالي افضل ..
والف صحة...